Mirziyoyev Trampga ta’ziya maktubi yo‘lladi
Prezident Shavkat Mirziyoyev AQSh rahbariga ta’ziya maktubi yo‘lladi.
O‘zbekiston Respublikasi Prezidenti Shavkat Mirziyoyev Amerika Qo‘shma Shtatlarining markaziy va janubiy shtatlarida ro‘y bergan halokatli tornadolar oqibatida ko‘plab insonlar qurbon bo‘lgani, jarohat olgani va katta talafotlar ko‘rilgani munosabati bilan Prezident Donald Trampga ta’ziya maktubi yo‘lladi.
Davlatimiz rahbari vafot etganlarning yaqinlariga sabr-toqat va bardamlik, jarohat olganlar tez fursatda shifo topishini tiladi.
Eslatib o‘tamiz, AQShda bir kun avval tornadolar oqibatida kamida 31 kishi halok bo‘lgani xabar berilgandi. Eng ko‘p qurbon kuzatilgar shtat Missuri bo‘lib, u yerda 12 kishi halok bo‘lgan. Kanzas shtatida kuchli chang bo‘roni sabab bo‘lgan yirik halokatda sakkiz kishi halok bo‘ldi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter