Oxirgi ikki hafta ichida O‘zbekistonda silliq kalta bodringning o‘rtacha ulgurji narxi 29 foizga arzonlashdi, bu joriy yilning iyul oyi o‘rtalaridan boshlab shakllangan o‘sish tendensiyasida ushbu mahsulot narxining ilk pasayishi bo‘ldi, deb xabar bermoqda East-fruit tahlilchilari.

Iyul oyi o‘rtalarida  East-fruit  bodringning ulgurji narxlari bu yil minimal darajaga yetganini va keyingi bir necha hafta ichida ushbu mahsulotlar narxi dinamikasida o‘sish tendensiyasi shakllanishini yozgan. Prognoz qilinganidek, O‘zbekistonda silliq kalta bodringning ulgurji narxlari dinamikasida o‘sish tendensiyasi shakllandi va iyul oyining birinchi o‘n kunligidan avgust oyining oxirigacha (bir yarim oy ichida 2,8 marta) ushbu mahsulotlarning o‘rtacha ulgurji narxi 3000 so‘mdan 8500 so‘m/kg gacha oshdi.

Balki biz yana bir yoki ikki haftaga narxlarning yanada pasayishini kutishimiz kerak, ammo bu pasayish qisqa muddatli bo‘ladi va bodring narxi joriy yilning iyul oyi o‘rtalaridan boshlab shakllangan o‘sish tendensiyasi bo‘yicha o‘sishda davom etadi, deya taxmin qilmoqda tahlilchilar.