«Xitoy – Qirg‘iziston – O‘zbekiston» temir yo‘lining muhim ob’yektlari qurilishi boshlandi
Qirg‘izistonning Jalolobod viloyati Suzaq tumanida «Xitoy – Qirg‘iziston – O‘zbekiston» xalqaro temir yo‘l loyihasi doirasida tunnel qurilishi ishlari boshlandi.
Tantanali marosimda O‘zbekiston Respublikasi Transport vazirligi hamda «O‘zbekiston temir yo‘llari» AJ vakillaridan iborat delegatsiya ham ishtirok etmoqda.
Loyiha doirasida umumiy uzunligi 10 kilometrdan ortiq bo‘lgan 3 ta tunnel qurilishi rejalashtirilgan. Jumladan:
- 1-son Norin (Jaman-Davan) tunneli — 12,5 km,
- Qo‘shtoba (Qozormon) tunneli — 13,2 km,
- Farg‘ona tog‘ tunneli — 12,2 km.
Eslatib o‘tamiz, mazkur temir yo‘l qurilishiga 2024-yil 27-dekabr kuni Jalolobod shahrida rasman start berilgan edi. «Xitoy – Qirg‘iziston – O‘zbekiston» temir yo‘lining umumiy uzunligi 532,53 km.ni tashkil etadi.
Loyiha Markaziy Osiyoni xalqaro logistika zanjiriga bog‘lovchi muhim transport yo‘lagiga aylantirishi kutilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter