Android qurilmalar uchun Xabar.uz mobil ilovasi. Yuklab olish ×

To‘raqo‘rg‘on issiqlik elektr stansiyasi favqulodda to‘xtatildi

To‘raqo‘rg‘on issiqlik elektr stansiyasi favqulodda to‘xtatildi

Namangan viloyatidagi «O‘ztransgaz» AJga qarashli magistral gaz quvuri o‘tgan yer maydonida noma’lum shaxslar tomonidan kelishmasdan yerni qazish ishlari olib borilganligi natijasida To‘raqo‘rg‘on IESni yoqilg‘i bilan ta’minlovchi gaz quvuriga shikast yetkazilgan. Bu haqda Energetika vazirligi ma’lum qildi.

Mazkur gaz quvuriga yetkazilgan shikast natijasida To‘raqo‘rg‘on issiqlik elektr stansiyasi favqulodda to‘xtatildi.

«Hozirgi vaqtda nosozliklarni bartaraf etish, shuningdek, elektr ta’minoti uchun zaxira quvvatlarini ishga tushirish bo‘yicha barcha choralar ko‘rilmoqda», – deyiladi vazirlik xabarida.

Shuningdek, aholi boshqa elektr stansiyalarida zaxira energobloklarini ulash bo‘yicha ishlarni bajarish uchun ma’lum vaqt zarurligi sababli ayrim hududlarda elektr ta’minotida qisqa muddatli uzilishlar kuzatilishi mumkinligidan ogohlantirildi.

Xabarda aytilishicha, mazkur holat yuzasidan surishtiruv harakatlari olib borilmoqda.

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring