Navoiyda maktab direktori o‘quvchi qizni urib tan jarohati yetkazgani aytildi
Navoiy viloyati prokuraturasi ijtimoiy tarmoqlarda tarqalayotgan «Navoiy shahar XTBga qarashli 11-AFChO‘IM direktori 10-«G» sinf o‘quvchisini urdi, o‘quvchi esa hushini yo‘qotdi» sarlavhali xabar yuzasidan rasmiy ma’lumot berdi.
Aniqlanishicha, fuqaro X.J. Navoiy shahar IIBga murojaat qilib, 2006-yilda tug‘ilgan voyaga yetmagan qizi G‘.N.ni Navoiy shahar 11-sonli davlat ixtisoslashtirilgan umumta’lim maktabi direktori J.G. urib tan-jarohati yetkazganligi yuzasidan murojaat qilgan.
Mazkur holat yuzasidan Navoiy shahar IIB tomonidan tergovga qadar tekshiruv harakatlari olib borilayotgan bo‘lib, sud-tibbiyot ekspertizasi tayinlangan.
«Tekshirish harakatlari Navoiy viloyati prokuraturasi tomonidan nazoratga olindi», – deyiladi prokuratura ma’lumotida.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter