Portugaliya hukumati yangi koronavirus tarqalishining oldini olish maqsadida Ispaniya bilan chegarani yopishga qaror qilgan. Mahalliy ommaviy axborot vositalarining xabarlariga ko‘ra, farmon juma kuni kuchga kiradi va ikki hafta davomida amal qiladi. 

Shuningdek, 14 kun davomida hokimiyat fuqarolarning mamlakat tashqarisiga havo va quruqlik bilan chiqib ketishiga cheklovlar qo‘yadi.  Avvalroq respublika parlamenti favqulodda holatni 14-fevralga qadar uzaytirgani haqida ma’lum qilgan edi.

Hukumat fikriga ko‘ra, epidemiyaga qarshi kurash choralari nafaqat odamlarning harakatiga, balki kasalxonalarda ishlash uchun nafaqaga chiqqan shifokorlarni safarbar qilishga imkon beradi.  So‘nggi paytlarda mamlakatda yuqtirish darajasi oshib borayotganidan rasmiylar juda xavotirda.

O‘tgan kun davomida COVID-19 oqibatlaridan 303 bemor vafot etgan — bu epidemiya boshlanganidan beri Portugaliyadagi eng yuqori ko‘rsatkichdir. 24 soat ichida 16 432 kishida koronavirus aniqlangan.

COVID-19 o‘limining va infeksiyalarining eng ko‘p soni Lissabon va Vale-De-Teju mintaqalarida kuzatilmoqda. Sog‘liqni saqlash vaziri Marta Temidaning so‘zlariga ko‘ra, koronavirus bilan kasallanganlarning taxminan 50 foiz qismi Buyuk Britaniyada topilgan shtammi bilan kasallangan.