Android qurilmalar uchun Xabar.uz mobil ilovasi. Yuklab olish ×

Orolbo‘yi xalqaro innovatsiya markazi mutaxassislari Dubay tajribasini o‘rganadi

Orolbo‘yi xalqaro innovatsiya markazi mutaxassislari Dubay tajribasini o‘rganadi

20 fevral kuni O‘zbekiston Respublikasi Prezidenti huzuridagi Orolbo‘yi xalqaro innovatsiya markazining olti nafar mutaxassisi Birlashgan Arab Amirliklarining Dubay shahrida joylashgan Sho‘rlanish sharoitida biodehqonchilik xalqaro markazining (ICBA) bosh ofisiga ilmiy amaliyot o‘tash uchun safarga jo‘nab ketdi. Yosh mutaxassislarning stajirovkasi Innovatsion rivojlanish vazirligi tomonidan tashkil etilgan.

O‘zbekiston Respublikasi Prezidenti huzuridagi Orolbo‘yi xalqaro innovatsiya markazining vakillari o‘z sohalari bo‘yicha BAAda qo‘llanayotgan innovatsion texnologiyalarni o‘rganib, olgan tajribalarini Orolbo‘yi hududlarini tiklashga qaratilgan kompleks ishlarni amalga oshirishda qo‘llaydilar.

Mutaxassislar bir yarim oylik safar davomida Birlashgan Arab Amirliklarining Abu-Dabi shahridagi Masdar Siti ekoshahri bilan tanishadilar, agrobiznes uchun muvaffaqiyatli inkubatorlarni tashkil qilish, suv va tuproq unumdorligini oshirish bo‘yicha innovatsion texnologiyalarni joriy etish va boshqa yo‘nalishlarda o‘quv-amaliyot kurslarini o‘taydilar.

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring