Italiyada IShID g‘oyalari tashviqotchisi qo‘lga olindi
Bugun, 28 mart kuni Italiya shimolida IShID terrorchilik tashkiloti g‘oyalarini italyan tilida tashviq qiluvchi matnlar yozgan, asli marokashlik bo‘lgan italiyalik fuqaro qo‘lga olindi. Bu haqda «TASS» xabar bermoqda.
23 yoshli Mahdi Xaliliy bilan bog‘liq ishni Turin prokuraturasining terrorchilikka qarshi kurashish bo‘limi olib borgan.
Agentlikning aniqlik kiritishicha, Apennin yarimoroli shimolida joylashgan bir qator shaharlar — Milan, Modena, Bergamo, Rejo-Emiliya va janubdagi Neapolda ekstremistik tashkilotlar bilan aloqadorlikda gumonlanib 13 kishi tergov qilingan. Ular orasida xorijliklar bilan bir qatorda islom dinini qabul qilgan italiyaliklar ham bor. Ularning barchasi IShID g‘oyalarini va terrorizmni tashviq qilishda gumon qilingan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter