Davlat soliq qo‘mitasi ishga qabul qilishda byurokratik to‘siqlardan voz kechdi
Davlat soliq qo‘mitasi my.soliq.uz portalida ishga qabul qilish xizmatini ishga tushirdi. Ushbu xizmat orqali Davlat soliq qo‘mitasiga ishga kirishni istaganlar to‘g‘ridan-to‘g‘ri rezyume jo‘natishlari mumkin. Qo‘mitadan xabar qilishlaricha, maxsus tuzilgan kadrlar bilan ishlash komissiyasi har bir rezyumeni o‘rganib chiqadi, shuningdek, u joylarga chiqib, nomzodlar bilan suhbatlar olib boradi.
Qo‘mitaga 27-iyundan 20-iyulgacha bo‘lgan muddat ichida 1200 nafarga yaqin nomzodlarning anketalari kelib tushgan.
Qo‘mita xabariga ko‘ra, avvallari ishga qabul qilishda sun’iy to‘siqlar mavjud bo‘lgan. Nomzodlardan 20 xildagi turli ma’lumotlar talab qilingan. Sog‘ligi to‘g‘risidagi umumiy ma’lumotdan tashqari teri-tanosil, nevrologik, sil va narkologik dispanserlardan ma’lumotlar so‘ralgan.
«DSQ ilgari ishga joylashishda tanish-bilishchilik va mahalliychilik kabi illatlar ham mavjud bo‘lganini tan oladi», — deyiladi xabarda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter