Bobur Alixonov yangi lavozimga tayinlandi
Bobur Alixonov
O‘zbekiston Respublikasi Bosh prokuraturasi huzurida Axborot-tahliliy multimedia markazi ish boshladi. Bu haqda «Народное слово» gazetasining saytida xabar berildi.
Markaz direktori etib uzoq vaqt televideniyeda samarali mehnat qilgan Bobur Alixonov tayinlandi. B.Alixonov ancha muddat «O‘zbekiston» telekanalining «Axborot» xizmatida ishlagan. 2017-yilda esa O‘zbekiston milliy teleradiokompaniyasining raisi lavozimida faoliyat yuritgan.
Axborot-tahliliy multimedia markazining asosiy vazifasi aholini sodir bo‘layotgan siyosiy-huquqiy jarayonlar, prokuratura organlari xodimlari faoliyati va korrupsiyaga qarshi kurashish holatlaridan xabardor qilishdan iborat.
Markazning ochilishida O‘zbekiston Respublikasi Bosh prokurori Ixtiyor Abdullayev, vazirlik va idoralar, jamoat tashkilotlari, xalqaro tashkilotlar, diplomatik korpus va OAV vakillari ishtirok etdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter