Bir qator muhim tovarlar uchun import bojlari bekor qilindi
Bir qator tovarlar, jumladan, go‘sht, saryog‘ va un importi bo‘yicha bojlar bekor qilindi.
Bu O‘zbekistonning 2022-yilgi davlat budjeti to‘g‘risidagi qonun ijrosini ta’minlash chora-tadbirlari to‘g‘risidagi prezident qarorida nazarda tutilgan.
Ushbu mahsulotlar uchun stavkalar 5 foiz va 20 foiz orasida edi.
Eslatib o‘tamiz, 2021-yilning 1-mayidan boshlab o‘simlik moyi, kungaboqar urug‘lari hamda zig‘ir va soya importi, shuningdek, o‘simlik moyini ishlab chiqarish va (yoki) sotish aylanmasiga (paxta yog‘idan tashqari) QQS stavkasi nolga tenglashtirilgan edi.
2021-yilning 10-oktyabridan 31-dekabriga qadar bo‘lgan davrda go‘sht (mol, qo‘y, tovuq), tirik hayvonlar (qoramol va parranda) va ularni so‘yishdan olingan mahsulotlarni, kartoshkani hamda muzlatilgan baliqni realizatsiya qilish bo‘yicha aylanma va ularni mamlakat hududiga olib kirish QQSdan ozod qilingan edi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter