O‘zbekiston Respublikasi Sudyalar oliy kengashi, kengash huzuridagi Sudyalar oliy maktabi va O‘zbekiston Sudyalari assotsiatsiyasi hamkorligida nashr etiladigan «ODILLIK MEZONI» ilmiy-amaliy, huquqiy junali «SUD – ADOLAT UYIGA AYLANMOG‘I LOZIM!» mavzusida tanlov e’lon qiladi.

Tanlov g‘oliblari quyidagi yo‘nalishlar bo‘yicha aniqlanadi:

• 1-, 2-, 3-o‘rin – mamlakatimizda so‘nggi yillarda sud hokimiyati mustaqilligini amalda ta’minlash, sud organlari faoliyatini zamon talablari darajasida takomillashtirish bilan bog‘liq islohotlarning mazmun-mohiyatini ochib berishga qaratilgan maqolalar uchun;
• Eng yaxshi sud ocherki, eng yaxshi detektiv asar, eng yaxshi sud faoliyati bilan bog‘liq hikoya uchun;

Tanlov g‘oliblari maxsus sovrin bilan taqdirlanadi.

Taqdim etiladigan materiallar qog‘ozga chiqarilgan holda: 100097, Toshkent shahri, Chilonzor tumani, Cho‘pon ota ko‘chasi 6-uyda joylashgan «Odillik mezoni» jurnali tahririyatiga, muallifning to‘liq ismi-sharifi, ish joyi va lavozimi, telefon raqami aniq ko‘rsatilgan holda yuborilish hamda elektron variantda Ye-mail: [email protected] pochta manziliga jo‘natilishi talab etiladi.

Tanlovda sudyalar, sud tizimi xodimlari, huqushunos olimlar, advokatlar, jurnalistlar va sud-huquq sohasiga qiziquvchi barcha fuqarolar ishtirok etishi mumkin.

Tanlovga taqdim etilgan maqolalarni 2020-yilning 1-oktyabridan 2021-yilning 1-iyuligacha qabul qiladi.

 Materiallar saralanib «Odillik mezoni» jurnalida chop etib boriladi.

Marhamat, ushbu tanlovda siz ham ishtirok eting va g‘olib bo‘ling!