Kuchli shamol tufayli Qoraqalpog‘iston va Toshkentda elektr o‘chdi
O‘zbekistonning ayrim hududlarida kuzatilgan kuchli shamol natijasida elektr tarmoqlarida uzilishlar yuz berdi.
Soat 19:00 holatiga Qoraqalpog‘iston Respublikasida kuchli shamol va yomg‘ir tufayli ayrim elektr qurilmalarda nosozlik yuzaga kelgan.
Buning natijasida Beruniy, Amudaryo, Chimboy, Qo‘ng‘irot va Kegeyli tumanlari iste’molchilari qisman (jami 3 750 ta) elektr ta’minotidan uzilgan.
Shuningdek, soat 19:48 da Toshkent shahridagi 35 kVli «L-P-Yu-2» kabel tarmog‘ida qisqa tutashuv sodir bo‘lgan.
Buning natijasida Chilonzor va Yakkasaroy tumanlari iste’molchilari qisman (jami 1 250 ta) elektr ta’minotidan uzilgan.
Hozirgi vaqtda ushbu nosozliklarni bartaraf etish choralari ko‘rilmoqda. Nosozliklar qisqa vaqt ichida bartaraf etiladi va iste’molchilarning elektr ta’minoti qayta tiklanadi, deyiladi Energetika vazirligi xabarida.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter