Rossiya maydonlarida o‘tayotgan Jahon chempionatining dastlabki turi favoritlarga omadli kelmayapti. Bugun Germaniya mundialni mag‘lubiyat bilan boshlagandi, hozirgina tugagan o‘yinda Braziliya Shveysariya bilan bahsda ochko yo‘qotdi.

Birinchi bo‘limni braziliyaliklar ustunlikda o‘tkazdi. O‘yinni nazorat qildi, hujumlar tashkil qildi. Biroq zarbalarga aniqlik yetishmadi. Nihoyat Koutinoning 20-daqiqada jarima maydoni tashqarisidan yo‘llagan ajoyib zarbasi golga aylandi.

Ikkinchi taymni shveysariyaliklar dadil boshladi va burchak to‘pidan so‘ng hisobni qisqartirishga erishdi. Jarima maydonida bo‘sh qoldirilgan Suber bosh bilan Alison Beker qo‘riqlayotgan darvozani aniq nishonga oldi.

Uchrashuv oxirlarida pentakampionlar ketma-ket hujumlar uyushtirdi, ammo omad ular tarafida bo‘lmadi.

Braziliya - Shveysariya 1:1

Gol: Koutino 20 – Suber 50.

Braziliya: Alison Beker, Tyago Silva, Miranda, Marselo, Danilo, Kasemiro (Fernandino 60), Filippe Koutino, Paulino (Augusto 67), Villian, Gabriel Jezus (Firmino 80), Neymar.

Shveysariya: Yan Zommer, Stefan Lixtshtayner (Lang 87), Manuel Akanji, Rikardo Rodriges, Fabian Sher, Granit Jaka, Valon Bexrami (Zakariya 71), Stiven Suber, Blerim Jemayli, Sherdan Shakiri, Xaris Seferovich (Embolo 80).

Ogohlantirishlar: Kasemiro 47 - Lixtshtayner 31, Sher 65, Bexrami 68.