Қирғизистон бош вазири Тошкентга етиб келди
Тошкентда 25-26 март кунлари Ўзбекистон Республикаси ва Қирғиз Республикаси ўртасида икки томонлама ҳамкорлик бўйича ҳукуматлараро қўшма комиссиянинг навбатдаги йиғилиши бўлиб ўтади.
Шу муносабат билан Қирғиз Республикаси Бош вазири Улуғбек Марипов бугун, 25 март куни мамлакатимизга келди.
Ислом Каримов номидаги Тошкент халқаро аэропортида юқори мартабали меҳмонни Ўзбекистон Республикаси Бош вазири Абдулла Арипов кутиб олди.
Қирғизистон делегация таркибига мамлакатнинг турли вазирлик ва идораларининг раҳбарлари киритилган. Меҳмонлар Тошкентдаги қатор юқори технологик корхоналарда бўлиб, ишлаб чиқариш жараёни ва тайёрланаётган маҳсулотлар билан танишади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter