Туркиядаги зилзила оқибатида камида 150 километрли ёриқ ҳосил бўлди
Туркия жанубидаги зилзила литосфера плиталарини силжитиб юборди. Италия Геофизика ва вулқоншунослик миллий институти президенти Карло Дольони бу ҳақда маълумот берди.
Геологик силжиш оқибатида Арабистон плитаси Анатолия плитасига нисбатан шимоли-шарқдан жануби-ғарбга томон 3 метрга сурилди, дея профессордан иқтибос келтирди Corriere della Sera газетаси. Олим буни Туркия жануби-ғарбга силжишига тенг силжиш, дея таърифлади.
Карло Дольони тушунтиришича, зилзила оқибатида ҳосил бўлган ёриқнинг катталиги камида 150 километрга тенг. Ҳодиса бир неча ўн сониялар ичида содир бўлди.
Эслатиб ўтамиз, 6 феврал куни Туркия жануби-шарқида магнитудаси 7,7 баллга тенг зилзила содир бўлди. Суриянинг бир нечта ҳудудлари ҳам табиий офатдан жиддий зарар кўрди. Сўнгги маълумотларга кўра, ҳалок бўлганлар сони Туркияда 3 549 нафарга етган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter