Андроид қурилмалар учун Xabar.uz мобил иловаси. Юклаб олиш ×

CNN телеканали мудҳиш видеони эълон қилди

CNN телеканали мудҳиш видеони эълон қилди

Фото: CNN

CNN телеканали Украинадаги рус аскарлари икки нафар тинч аҳоли вакилини ортидан отиб ташлагани таъкидланган видеони эълон қилди.

Журналистлар ҳалок бўлганларнинг шахсини аниқлашга муваффақ бўлишган. Улар — 68 ёшли қўриқчи Леонид Пляц ва номи ҳозирча ошкор этилмаган автосалон эгаси.

Телеканал ихтиёрида Киев яқинидаги автомагистраллардан бирида жойлашган дилерлик дўкони ҳудудида ўрнатилган видеокузатув камераларидан олинган ёзувлар бўлган. CNNга кўра, ёзувлар 16 март куни Россия ҳарбийларининг Украина пойтахтини эгаллашга уриниши вақтида олинган.

Телеканал видеодаги аскарларнинг қайси томонга тегишли эканлигини уларнинг кийим-кечаклари, гувоҳларнинг сўзлари ва ўша пайтда ҳудудни ким назорат қилгани асосида таҳлил қилган.

Видеода Леонид Пляц ва салон эгаси ҳарбийлар олдига чиқишгани, ҳарбийлар улар билан нимадир ҳақида гаплашиб, уларни қўйиб юборишгани кўринади. Сўнг Пляц ва шериги хавфсизлик постига қайтаётганида кутилмаганда аскарлар уларни орқасидан отиб ташлайди.

Ҳодисадан бироз ўтгандан сўнг яраланган Пляц ўрнидан туриб, қўриқлаш постига етиб келади ва у ердан украиналик кўнгиллиларга қўнғироқ қилди. Кўнгиллилар бўлинмаси командирининг CNN телеканалига айтишича, улар рус ҳарбийлари билан отишмага киришиб, қўриқчининг олдига етиб келишган. Плятц бинодан олиб чиқилган, аммо у кўп қон йўқотишдан вафот этган.

Маҳаллий полициянинг 9 майдаги маълумотларига кўра, Киев вилоятида 1254 нафар тинч аҳолининг жасади топилган. Россия ушбу қирғинларга алоқадорлигини рад этиб келмоқда.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг