Андроид қурилмалар учун Xabar.uz мобил иловаси. Юклаб олиш ×

Америкалик аёл даҳшатли вирус туфайли оёғи ва қўлининг бир қисмидан айрилди

Америкалик аёл даҳшатли вирус туфайли оёғи ва қўлининг бир қисмидан айрилди

Фото: @theoneleggedmommy

АҚШда истиқомат қиладиган 28 ёшли Жози Вендел даҳшатли касалликни бошидан кечирди. У некротик фасциит вирусини юқтириб олган ва аввалига буни оддий грипп деб ўйлаган.

Вендел 2015 йилнинг 3 апрелида ярим тунда уйғониб кетади. Унинг бутун бадани қақшаб оғрирди ва иситмаси кўтарилиб кетганди. Жози грипп бўлиб қолганман, деб ўйлайди ва эртаси куни ишидан жавоб олади. Пешин вақтига келиб аёлнинг ҳар икки оёғида оғриқ бошланди ва у олти соат давомида иссиқ душ қабул қилди. Чунки фақат иссиқда ўзини бироз яхши ҳис қиларди.

Вендел турмуш ўртоғи ишдан қайтгандан сўнг шифокорларга мурожаат этишга қарор қилди. Эр-хотин дарҳол ортга қайтамиз, деб ўйлашган эди, шу боис 10 ойлик фарзандини ўзлари билан олдилар.

Маҳаллий тез ёрдам бўлимида уларни дарҳол қабул қилишнинг имкони бўлмади, чунки беморлар жуда кўп эди. Ниҳоят навбат келгандан сўнг Венделдан қон таҳлили олишди ва кучли оғриқ қолдирувчи дори беришди. Соат 10 ларга бориб Жозининг ота-онаси ҳам касалхонага етиб келди.
Вендел касалхонада ётган вақтда жуда кучли иситма ҳис қилади ва устидаги чойшабни олиб ташлайди. Бу вақтда унинг оёғида футбол тўпи катталигида заха еган жой бор эди. Жозига қараб турган ҳамшира буни кўриб йиғлаб юборади ва унинг яқинлари вазият оғир эканини тушуниб етадилар.

Тез ёрдам бўлими қишлоқ жойида бўлгани боис энг яқин касалхонага қадар автомобилда икки соатлик йўл бор эди. Жодининг ҳаётини қутқариб қолиш учун вертолёт чақиришга тўғри келди. Аёлнинг ёдида фақат вертолёт касалхона томига қўнгани қолади. Шундан сўнг у ҳушидан кетади.

Жоди Венделда жуда кам учрайдиган некторик фасциит вируси аниқланди. Унинг бир оёғи тиззасидан кесилди ва яна бир қўлининг бир қисмидан воз кечишга тўғри келди. Вендел касалхонада ўтказган вақти давомида умумий ҳисобда 28 та операцияни бошидан ўтказди.

Ҳозирда у ниҳоят даволаниб, уйига қайтган. Жодининг эри у келгунга қадар уйни имконияти чекланганларга мос тарзда қайта жиҳозлаб қўйди.

Бунга қадар Американинг Гавайи штатида истиқомат қилувчи шахс бошқа уйга кўчиш давомида қутилардан бирини очгани ва эхтиётсизлик туфайли қўлини кесиб олиб, некторик фасциит вирусини юқтириб олгани хабар қилинган эди. У ўз вақтида даволанишга муваффақ бўлган.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг