Андроид қурилмалар учун Xabar.uz мобил иловаси. Юклаб олиш ×

Уч ҳудудда янги касалланганлар аниқланди

Уч ҳудудда янги касалланганлар аниқланди

Фото:«Xabar.uz»

2020 йил 7 август соат 23:30 ҳолатига кўра, Ўзбекистонда коронавирус инфекцияси қайд этилганлар сони 29 225 (+168) нафарни ташкил этмоқда.

Янги касалланиш ҳолатларининг 136 нафари Тошкент шаҳрида, 25 нафари Тошкент вилоятида ҳамда 7 нафари Хоразм вилоятида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Шу билан бирга, Шайхонтоҳур туманида яшаган 68 ёшли С.М. (аёл), Янгийўл туманида яшаган 54 ёшли Б.Ш. (эркак), жами 2 нафар коронавирусга чалинган бемор вафот этди.

Эътиборли жиҳати, бугун Тошкент шаҳрида 491 нафар, Тошкент вилоятида 169 нафар, Бухоро вилоятида 40 нафар, Қашқадарё вилоятида 34 нафар, Андижон вилоятида 20 нафар, Сирдарё вилоятида 19 нафар, Қорақалпоғистон Республикасида 12 нафар ҳамда Хоразм вилоятида 8 нафар, жами 793 нафар бемор тузалди.

Шундай қилиб, юртимизда 20 380 (+793) нафар коронавирус инфекциясига чалинган фуқаролар (69 фоиз) соғайган.

Ҳозирда мамлакатимизда 8 662 нафар беморга шифокорларимиз томонидан белгиланган стандартлар бўйича даво чоралари кўрилмоқда.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг