«31-бемор»: 5,5 минг нафардан ортиқ инсонларга коронавирусни юқтирган «супер тарқатувчи» топилди
Ухандан Жанубий Кореяга қайтган аёл 5,5 минг нафардан ортиқ инсонларга коронавирусни юқтирганликда гумон қилиняпти, деб ёзмоқда «Life».
Бу аёл COVID-19 билан касалланган 31-жанубий кореялик бўлди. У 6 февраль куни йўл-транспорт ҳодисасига учрагач, маҳаллий клиникага ётқизилади. Бу ерда дўсти билан бир марта тушликка чиққан, икки марта Синчхончжи черковига ибодатга бориб келган.
Шундан сўнг Синчхончжи черковида 5,5 мингдан зиёд киши коронавирусни юқтиргани аниқланди. Қўшимчасига мамлакатда коронавирусни юқтириш билан боғлиқ ҳолатларнинг 60 фоизи ушбу черков, демакки, юқоридаги аёл билан боғланмоқда.
Маълумот учун: Жонс Ҳопкинс университети маълумотига кўра, 26 мартга келиб Жанубий Кореяда коронавирусни юқтирганлар жами сони 9 241 нафарга етди, вафот этганлар — 131, тузалиб кетганлар — 4 144 нафар.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter