Андроид қурилмалар учун Xabar.uz мобил иловаси. Юклаб олиш ×

Энди деҳқондан ерни ҳоким олиб қўймайди, халқ бизга ишониши керак— Президент

Энди деҳқондан ерни ҳоким олиб қўймайди, халқ бизга ишониши керак— Президент

Фото: «Advokatkuzmenko.ru»

Президент Шавкат Мирзиёев томонидан ўтказилган видеоселектор давомида деҳқон хўжаликлари еридан фойдаланишнинг ҳуқуқий асослари ҳақида гапириб ўтилди.

— Деҳқон хўжалиги ердан оқилона фойдаланмаса, ижара шартномаси суд орқали муддатидан олдин бекор қилинади. Буни ҳар бир деҳқонга тушунтириш керак.

Бундан буён ер ҳокимнинг қарорига кўра олиб қўйилмайди. Масалани фақат суд ҳал қилади. Халқ бизга ишониши керак, ҳаммаси фақат суд орқали ҳал қилиниши шарт, — деди давлат раҳбари.

Президент тегишли мутасаддиларга бир ой муддатда 80 минг гектар ерларни лотларга бўлиб, очиқ танловга чиқариш топшириғини берди.

— Ҳар бир ер участкаси 2 кунда кадастр рўйхатидан ўтказилиши шарт. Бунда, аҳоли давлат рўйхатидан ўтказиш бўйича йиғимлардан озод қилинади, — деди давлат раҳбари.

Президентнинг нутқидан маълум бўлишича, шу тариқа деҳқон хўжаликлари кадастрни рўйхатга олиш учун тўланадиган 1 миллион 350 минг сўм тўловдан озод қилинади.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг