«Ўзбекнефтгаз» АЖнинг Устюрт газ қазиб чиқариш бошқармасига қарашли «Шарқий Бердақ» кони бир қанча қудуқларда капитал таъмирлаш ишлари олиб борилмоқда.

Жумладан, 46-сонли қудуқда ҳам капитал таьмирлаш ишлари олиб борилди. «Ўзнефтгазқудуқтаъмирлаш» АЖ мутахассислари томонидан олиб борилган капитал таъмирлашдан сўнг, қудуқ ишга туширилди.

Қатлам сувлари йўли цемент кўприги билан тўсилиб, 1955-1959м, 1982-1986м, 2004-2006м, 2009-2012м интерваллар оралиғида перфорация ишлари қилинди. Натижада эса, қудуқдан саноат миқёсида табиий газ оқими аввалгига нисбатан ошди. Ҳозирда, қудуқдан кунлик 100 минг куб метргача бўлган табиий газ ва 6 тонна газ конденсати қазиб олина бошланди.

Устюрт газ қазиб чиқариш бошқармаси томонидан капитал таъмир ташқари бурғилаш ишларига ҳам катта эътибор берилмоқда.

Бошқармага қарашли «Арслон» конидаги 23-сонли қудуқдан олиб борилган бурғилаш ишлари ўз самарасини бера бошлади. Ушбу қудуқнинг 2210-2220м, 2229-2234м, 2259-2263м, 2274-2277м, 2355-2358м, 2498-2501м интерваллар оралиғида перфорация ишлари бажарилди.

Ҳозирда бу қудуқдан саноат миқёсида кунлик 150-200 минг куб метр табиий газ оқими ва 1 тонна газ конденсати олина бошланди.

«Ўзбекнефтгаз» АЖ Матбуот хизмати